Sukol

Ginatos ka tuig
Nag-antos ug dinaug-daog
Kagutom, pagpanlupig
Pagpangilad ug kagubot
Di na magpalingla
Kay kita nahikmata na
Ang katawhang andam mubarog
Mubarog ug makigbisiog
Ug ang paglingkawas sa nasud
karong taknaa magsugod!

Pakighiusa

Mamahulay ko
Kuyog sa dinaug-daog
ug pinahimuslan...

Aron masinati ko
Ug sa akong unod
magpabilin,
ang pagsupak
ug pakigbisog.

Uban ako kanila
ug sa pagtulog ko
kami nakig-gubat.

Wala

Ang kalisud
sa kahimtang
masuklian ra
ug kaharuhay
kung kitang tanan
kabalo na
nga musukol
ug mubarog.